Los Angeles Lakers star center Anthony Davis, tubtob lamang sa first quarter sa hampang batok sa Philadelphia 76ers matapos magsakit ang tiyan

Wala na nakapadayon sa paghampang sa nabilin nga quarter sang game matapos magwa sa basketball court si Los Angeles Lakers star center Anthony Davis sa first quarter sang road game batok sa Philadelphia 76ers bangud sa pagsakit sang tiyan.

Nakapasulod pa si Davis sang apat ka puntos kag duha ka rebounds sa 10 minutos antes nga magbiya sa nabilin nga oras sa opening quarter.

Antes ini, nakahatag man si Davis sang 42-points kag 23-rebounds nga performance sa road victory batok sa Charlotte Hornets sang Lunes, January 27.

Ini ang ikalima nga 40-20 game sang iya nga career.

Sa pihak sini, wala makahampang ang 31-anyos nga nine-time NBA All-Star sa tatlo sa 45 ka mga games sang Lakers subong nga season.