Ginpahayag sang Land Transportation Franchising and Regulatory Board (LTFRB) Region 6 nga wala sang may nabaton nga reklamo ang ila opisina natuhoy sa ginpatigayon nga untat byahe sang pila ka grupo sang tradional jeepneys kasunod sa panawagan sang Nationwide Transport Strike sang National Transport Group nga MANIBELA.
Sa interview sang Bombo Radyo kay LTFRB Region 6 legal officer Atty Salvador Altura, wala man sila sang may nabaton bisan anp nga feedback angot sa untat-byahe bisan sa probinsya sang Iloilo.
Suno diri, Nobyembre 30, 2024 sang ginsira ang consolidation process kun sa diin sa ila date may yara sang kapin sa 91 percent na ang nakapaconsolidate.
Suno pa diri, kun liwat nga buksan ang consolidation process, ila batonon ang luyag nga mag-apply apang kun wala na sang extension nga ihatag, wala man sila sang basehan sa pagbaton sang mapaconsolidate.
Gin-athag man sini nga sa bahin sa pagdinakpanay sa dalan, wala sang puder ang LTFRB nga magdakop asng wala nakaparehistro bangod iya ina sang Land Transportation Office trabaho samtang ang LTFRB naman ang madakop sang wala prangkisa.
