Ginpahayag sang Land Transportation Franchising and Regulatory Board (LTFRB) nga malayo nga magpasaka sang plete sa mga public utility vehicles apisar sang padayon nga pagsaka sa presyo sang produktong petrolyo.
Suno kay LTFRB chairperson Martin Delgra, ginalikawan sang Department of Transportation nga magdugang sa pabug-at sang mga commuters.
Suno sa iya, ang ila ginahimo amu ang masabat ang mga hingyo sang mga operator apang wala masyado sang negatibo nga impact sa mga pasahero.
Ginkumpirmar ni Delgra nga nakabaton ang LTFRB sang petisyon nga magpasaka sang plete apang mas prayoridad sang DOTr nga mabuligan ang financial needs sang public transport sector paagi sa service contract programs kag “Pantawid Pasada” cash aid sang sa pagpasaka sang plete.
Sang Martes, liwat nga nagpatuman sang oil price hike ang mga kumpaniya sang petrolyo kag ginmarkahan ang ika-anum nga asod-asod nga semana sa pagsaka sang presyo.
