Wala pa sang guidelines ang Land Transportation Franchising and Regulatory Board (LTFRB) VI kag Land Transportation Office Region 6 sa pagpanakop sa mga traditional jeepneys nga wala nakapa-consolidate sang prangkisa umpisa bwas, Mayo 16.
Sa interview sang Bombo Radyo Bacolod kay Junjun Asis, secretary general sang Sentrong Samahan ng mga Tsuper at Operators Negros (SSTONE), tubtob na lamang subong nga adlaw ang pagbyahe sang mga traditional jeepneys nga wala nakapaconsolidate apang wala pa sang QR code nga nahatag sa ila para makilala nga consolidated jeepneys ang ila unit.
Suno diri, madamo pa sang luyag nga maglaot makapa-consolidate gani nag-ayo ini sang dugang pa nga extension.
Bangod nga wala pa sang guidelines nga nagikan sa LTFRB kag LTO, sila ang magapadayon sang pagbyahe sa dalanon apisar nga wala pa sang QR code.
