Nagtalana ang Land Transportation Franchising and Regulatory Board (LTFRB) sang petsa agud maghearing natuhoy sa isa ka pending petition agud mapasakaan ang minimum fare para sa jeepneys sa P15.
Suno kay LTFRB technical division head Joel Bolano, may yara sang hearing sa Pebrero 19 natuhoy sa pending petition humalin pa sang 2023 kun sa diin naghatag lamang ang board sang isa ka provisional increase.
Suno kay Bolano, ang petisyon amu nga himuon nga P15 ang minimum fare nagikan sa P13 sa karun.
Sang Oktubre 2023, gin-aprubahan sang LTFRB ang isa ka P1 provisional increase sa minimum fare para sa public utility jeepneys kag gin-adjust ang pletehan humalin sa P12 sa P13 para sa traditional jeepneys kag nagikan sa P14 tubtob sa P15 para sa modern jeepneys.
Sang tinalikdan nga bulan, ginpahayag sang LTFRB nga ginareview sini ang petisyon nga pasakaan ang minimum nga plete kadungan sang paghingyo sang pila ka transport groups.
