Ginpahayag sang Land Transportation Franchising and Regulatory Board (LTFRB) nga indi makaapekto sang dako sa public mobility ang natalana nga transport strike sang Pagkakaisa ng mga Samahan ng Tsuper at Operator Nationwide (Piston) sa Huwebes, Setyembre 18, 2025.
Suno kay LTFRB Chair Teofilo Guadiz III, preparado ang mga ahensya sang gobyerno kaangay sang Department of Transportation (DOTr), Metropolitan Manila Development Authority (MMDA) kag mga local government unit nga magapatuman sang mga contingency measures agud marespondehan ang posible nga inconvenience sa mga commuter.
Kaangot sini, magahatag man sang libre sakay ang gobyerno kaangay sang military trucks, buses kag mga modernized public utility vehicles agud mabuligan ang mga apektado nga pasahero kasubong man ang pag-angkon sang mga alternatibo nga routa kag dugang nga mga salakyan.
