Ginhangkat sang Land Transportation Franchising and Regulatory Board (LTFRB) ang mga motorista nga mas maghalong subong nga Semana Santa kag nagpaandam nga wala sini ginatolerar ang “kamote” drivers ukon ang mga nagapakita sang indi maayo nga pamatasan sa dalanon.
Suno kay LTFRB Chairperson Teofilo Guadiz III, dapat ini nga mauntat bangud ang ini nga mga drivers ang isa ka pagpamahog sa public safety kag dapat hukson sa mga dalanon.
Suno kay LTFRB Spokesperson Ariel Inton, ang ahensya ang nagpagwa sang isa ka preventive suspension batok sa isa ka bus company nga imbolbado sa isa ka aksidente sa North Luzon Expressway (NLEX) nga gintunaan sang pagkapilas sang 13 ka mga persona.
Ang suspension ang magacover sang anum ka units sa idalum sang bus company, santo sa desisyon sang board.
