Ginkumpirmar sang regional director sang Land Transportation Franchising and Regulatory Board (LTFRB) – Negros Island Region nga wala ini nakabaton sang petition sa pagpasaka sang plete bisan pa nga dako ang pagsaka sa presyo sang produktong petrolyo bangud sang tension sa Middle East.
Sa interview sang Bombo Radyo Bacolod kay LTFRB-NIR Director Atty. Gerry Llena, wala sila sa regional office sang nabaton nga petition apang ang mga transport organizations ang mahimo magpadala sang request sa LTFRB central office sa Manila.
Suno kay Llena ang central office man ang naga-aprubar sang petition para sa price increase matapos nga madiskursuhan.
Apang naga-apelar ang regional director sa tanan nga public utility vehicles nga indi magpasaka sang plete.
Ginkalipay man sini nga nagpabutyag na si Bacolod Alliance of Commuters, Operators, and Drivers – Manibela President Rudy Catedral nga ang ila grupo ang indi magpasaka sang pamasahe.
Suno diri kun magpasaka sang pletehan magasaka man ang tanan.
Nagaayo ang regional director nga angan-anganon lang sang drivers kag operators sang public utility vehicles ang ihatag sang LTFRB nga fuel subsidy.
Ginahulat nalang sini ang guidelines sa pagpanagtag ng fuel subdivision.
Ginpahayag man sini nga nagpasugot na suno sa iya ang mga chief executives sa Negros Oriental nga magadugang para sa subsidy.
