Nagpahanumdom ang spokesperson sang Land Transportation Franchising and Regulatory Board (LTFRB) Regional office 6 nga indi makapanukot sang dugang sa pletehan ang mga units sang public transport nga wala nakakuha sang bag-o nga fare matrix.
Sa interview sang Bombo Radyo Bacolod kay Atty. Salvador Altura, may yara na sang gin-aprubahan ang LTFRB nga dugang sa pamasahe.
Nahibaluan nga gin-aprubahan sang LTFRB ang P1 nga dugang sa pamasahe sa public transport para sa una nga apat ka kilometro kag magadugang sa succeeding kilometers.
Sa syudad sang Bacolod ang P11 nga pamasahe sa traditional jeepneys ang mangin P12 na sa una nga apat ka kilometro samtang sa modernized jeepney naman mangin P14 kag magadugang man sa succeeding kilometers.
Ginpahayag man ni Altura nga ang taxi ang kinahanglan nga magkuha sang sticker agud nga mapatuman ang P45 nga flagdown kag indi man sila makapatuman sini kun wala sang sticker.
Suno diri sticker lang anay ang mangin basehan sang pagdugang sa flagdown rate bangud ang calibration ang nagakatabo lamang duha ka beses sa isa ka tuig.
Nagpanugyan man ini nga dapat magpatuman sang 20 percent nga discount sa pamasahe sa mga estudyante; senior citizen; kag person with disabilities bangud ang indi maghatag sang discount ang may yara sang violation sa iya nga prangkisa.
