Nagsugod na ang Land Transportation Office Negros Island Region sa pagpatigayon sang Oplan Biyaheng Ayos Undas 2026 sang Biyernes, Oktubre 23.
Sa interview sang Bombo Radyo kay LTO NIR Director Jeck Conlu, 111 ka mga personnel ang gindeploy sa bilog nga NIR lakip na sa Siquijor, Negros Occidental kag Negros Occidental kag Bacolod City isa ka semana antes ang pagsugod kag pagtapos sang Undas 2026.
Suno kay Conlu, may gindeploy na sila nga mga personnel sa mga terminal kun sa diin may mga desk agud maga-assist sa mga pasahero sa ila nga mga concerns.
Luwas sini, may yara man sang random roadside inspection sa tanan nga motorista kag mga public transportation vehicles.
Suno kay Conlu, wala sila sang day off kag padayon ang ila deployment tubtob sa adlaw sang Tingkalalag.
Lakip sa ila ginatsekyar ang royda sang mga salakyan, seatbelt, helmet, mga papelis kaangay sang driver’s license.
Nagpasalamat ini sa mga LTO NIR personnel sa pagcomply sang ila nga trabaho kag responsibilidad agud masiguro ang seguridad sa nagahilapait nga Tingkalalag.
Nagapangayo ang LTO NIR Director sang kooperasyon sa mga motorista nga ipresentar ang nagakaigo nga dokumento kun may inspection.
Ginpanugyan man ni Conlu sa mga paahero nga maghalong kag gilayon nga ireport sa mga personnel kun may ara sang mga concerns.
