Nagpaandam ang Land Transportation Office-Negros Island Region (LTO NIR) sa mga motorista nga nagahimo sang illegal drag racing nga untatan na ini kay mahimo sila mag-atubang sang mabug-at nga penalidad.
Sa interview sang Bombo Radyo Bacolod kay LTO NIR Director Jeck Conlu, ginpahayag niya nga ang mga nadakpan sa amo nga paglapas ang i-ban sa pagkuha sang driver’s license ukon i-revoke ang lisensya kag indi na ini mahimo nga ma-lift pa.
Suno kay Conlu, ang illegal drag racing amo isa ka daku nga offense kag ang pribilehiyo sa pagkuha sang lisensya ang mahimo bawion.
Suno diri, ang mga nadakpan sang tinalikdan nga adlaw nga imbolbado sa illegal drag racing ang wala pa gihapon nakabayad sang multa kag impounded na ang ila mga motorsiklo, dugang pa, banned na sila sa pagkuha sang lisensya.
Paandam naman ni Conlu nga ila iga-trace kag lauton ang tanan nga nagapatigayon sang illegal drag racing.
