LTO-NIR, nagpasalig nga madakpan ang nagahimo sang “gas and go” sa Bacolod kag Talisay City

Nagpasalig ang regional director sang Land Transportation Office-Negros Island Region nga madakpan gid ang naghimo sang “gas and go” sa ciudad sang Bacolod kag Talisay City.

Sa interview sang Bombo Radyo Bacolod kay LTO-NIR Director Jeck Conlu, padayon Ang ila backtracking sa karun.

Suno kay Conlu, dako ang posibilidad nga ang naghimo sang gas and go sa Brgy Taculing kag sa Barangay Zone 7 sa Talisay City ang isa lang.

Suno diri, sa bahin sang LTO, administrative case ang kaso nga mahimo ipasaka sa tag iya ukon driver sang salakyan kasubong man ang revocation sang drivers license samtang sa criminal case naman ang kapulisan na ang makahibalo.

Dugang pa sini nga lain man ang nag gas and run sang Pebrero 27.