Ginkumpirmar sang regional director sang Land Transportation Office – Negros Island Region nga may nabaton na sila nga impormasyon kun sin-o ang driver sang E-bike nga nakuhaan sang video nga nagasakay sa side car imbes nga sa mismo nga motorsiklo samtang nagabyahe sa Araneta Street, Bacolod City.
Sa interview sang Bombo Radyo Bacolod kay LTO-NIR Director Jeck Cunlo, may mga nabaton na sila nga impormasyon apang wala pa gid nila natumod ang identity sang driver.
Suno kay Cunlo, ang mga nabaton nila nga impormasyon ang gina-verify pa sang Investigation Unit sang LTO bangud madamo man sang nagahatag sang impormasyon angot diri.
Una na nga ginpahayag ni Conlu nga bangod sala ang ginhimo sang driver mahimo nga i-revoke ang iya lisensya kag kun wala man ini sang lisensya, siya ang mahimo nga ma-blacklist kag indi na makakuha sang driver’s license.
Samtang, anum naman ka mga colorum nga van ang nadakpan sa ciudad sang Bacolod.
