LTO-NIR, nakadakop sang lima ka colorum nga van nga nagabyahe sa ciudad sang Bacolod

Lima ka colorum nga van nga nagabyahe sa ciudad sang Bacolod ang nadakpan sang Land Transportation Office- Negros Island Region.

Sa interview sang Bombo Radyo kay LTO- NIR Regional Director Jeck Cunlo, ang madakpan nga colorum, multahan sang P200,000 ang tag-iya samtang P2,000 naman ang multa sa driver kag ikumpiskar ang ila lisenya kag impounded pa ang ila vehicle.

Suno diri, magaserbe ini nga warning sa pagpakita nga seryoso sila sa pagpatuman sang layi.

Ang mga nadakpan may yara sang ruta na Bago City – Bacolod City kag padulong sa Norte nga bahin sang probinsya.

Pahayag ni Cunlo, ginadakop ang mga colorum bangod kun may matabo nga emerhensya, wala sang insurance nga makuha sa ila.