-- ADVERTISEMENT --
Nagpanawagan ang Land Transportation Office Regional Office 6 sa mga wala nakarenew sang ila driver’s license nga magprocess na agud malikawan ang multa kag ang suspensyon sang lisensya.
Sa interview sang Bombo Radyo kay Atty. Gaudioso Geduspan, mangin strikto na ang LTO sa pagconduct sang checkpoint ini kasunod man sa pagnubo sang numero sang mga nagparenew sang lisensya kag wala pa nakaparehistro.
Suno diri kun sang nakaligad nga tuig nagdangat sa kapin 38 million nationwide ang nagparenew sang lisensya, sa karun nga tuig may yara lamang sang 14 million.
Pahayag ni Geduspan, mas maayo nga iprocess na ang lisensya antes pa man mamultahan sang dako kag mauspend ang lisensya.
