Gindul-ong na sa iya ulihi nga palahuwayan si anay Presidente Benigno ‘Noynoy’ Aquino III, duha ka adlaw ang nakaligad humalin sang ini ang nagtaliwan bangud sa renal disease secondary to diabetes.
Alas-1:43 sang hapon sang gingulo sa lulubngan ang urn ukon ang ginasudlan sang abo ni Aquino paagi sa kamanghuran nga utod sang anay presidente nag si Kris Aquino sa Manila Memorial Park sa Parañaque City.
Ang abo ni Noynoy ang ginsulod sa tupad sang lulubngan sang iya mga ginikanan, ang democracy icons nga sanday former Senator Benigno “Ninoy” Aquino Jr. kag former President Corazon “Cory” Aquino.
Ang ambahanon nga “To Dream the Impossible Dream†ang ginaamba sang live kadungan sang inurnment.
Antes ang inurnment, ang hymn sang Ateneo de Manila University ang gintukar man sang banda.
Ginpangunahan ni Archbishop Socrates Villegas ang final prayers para kay Aquino.
Pagkatapos sang final prayers, ang Philippine flag ang gin-uyatan sang honor guards sa ibabaw sang urn sang anay presidente samtang nagahatag sang final salute ang mga opisyal sang Armed Forces of the Philippines.
Ini ang ginsundan sang isa pa gid ka 21-gun salute kag ginsundan sang pagpilo sang mga miyembro sang militar sang Philippine flag.
Ginhatag ni Armed Forces of the Philippines chief-of-staff General Cirilito Sobejana ang napilo nga Philippine flag sa utod sang anay commander-in-chief nga si Ballsy Aquino-Cruz.
Ginsundan ini sang blessing ni Villegas kag sang mga miyembro sang pamilya sa urn.
Nakit-an naman ang anak ni Kris Aquino nga si Bimby nga nag-salute sa urn sang iya tiyo antes ini nagwisik sang holy water.
Bilang kamanghuran sa lima ka mag-utod, si Kris Aquino ang nagbutang sang urn sang iya magulang sa tupad sang ila mga ginikanan.
Gilayon naman nga ginsiraduhan ang lulubngan sang anay presidente.
Ang seremonya sang lubong ni PNoy ang mas malip-ot lang kun ipaanggid sa lubong sang iya ginikanan bangud sa COVID pandemic kun sa diin may minimum health protocols nga ginsunod.
Nagbantay naman sa higad sang dalan ang mga Pilipino nga naghatag sang ulihi nga respeto sa anay chief executive.
Ang mga ini ang naggwa sa establisyimento, nagsinggit, nag-wave kag nagpalakpak samtang nagalabay ang convoy sang urn ni Aquino.
