Nagdangat na sa 40 ka mga lugar sa Pilipinas ang ginpaidalum sa state of calamity bangud sa paglaslas sang Bagyo Crising kag sa karun mga bagyo Dante, Emong kag habagat.
Santo sa data nagikan sa National Disaster Risk Reduction and Management Council (NDRRMC), nalakip sa mga yara sa state of calamity ang 23 ka mga ciudad kag kabanhawanan sa probinsya sang Cavite kag 17 ka mga lugar sa Metro Manila kag iban pa nga probinsya.
Sa monitoring sang ahensya, nalakip sa mga ginpaidalum sa state of calamity ang Mangaldan kag Umingan sa Pangasinan, Meycauayan, Paombong, Balagtas kag Calumpit sa Bulacan, Masantol sa Pampanga, Paniqui sa Tarlac, Agoncillo sa Batangas, San Mateo, Rodriguez (Montalban) kag Cainta sa Rizal, Roxas sa Palawan, Barbaza kag Sebaste sa Antique, kag sa Metro Manila naman, ang Malabon City kag Quezon City.
Sa karun, apektado na sang mga kalamidad ang masobra 2.7 million individual nagikan sa masobra 700,000 ka pamilya sa tanan nga rehiyon sa pungsod magluwas sa Eastern Visayas.
