Ginkoronahan bilang Miss Universe Philippines 2025 si Ma. Ahtisa Manalo sang Quezon Province.
Ang korona ang ginpasa sa iya ni Chelsea Manalo.
Nagpangibabaw si Ahtisa sa 66 tanan ka mga kandidata sa coronation night nga ginpatigayon sa Mall of Asia Arena sa Pasay City.
Siya ang magarepresentar sang Pilipinas sa Miss Universe 2025 competition nga hiwaton sa Thailand sa bulan sang Nobyembre.
Sang nagligad nga tuig, sia ang 2nd runner-up kag nagtapos sa Top 10 sa Miss Cosmo.
Subong nga tuig siya ang nalakip sa Top 6 natigayon nga makuha ang korona.
Narelate man ni Ahtisa ang iya winning answer nga bisan matumba magabalik sa gihapon ini nga mabaskog sa pamangkot nga “They say that a good leader leads by example. Tell us about one event in your life when you lived by example and the impact it made.”
Si Ahtisa ang natumba sa stage apang nagtindog nga may poise samtang nagrampa para sa evening gown competition.
First Runner up si Reina Hispanoamericana 2017 Winwyn Marquez samtang second runner-up naman si Miss Earth – Air 2023 Yllana Aduan.
Wala naman nakalusot ang mga tiglawas sang Negros Occidental kag ciudad sang Bacolod sa Top 24 sang Miss Universe Philippines 2025.
