Preparado na ang Bureau of Fire Protection Ma-ao fire substation- Bago City pananglitan nga kinahanglan ang ila partisipasyon sa patigayonon nga flushing sang abo sa dalanon sa ciudad kasunod sa paglupok sang Bulkan Kanlaon, sang Biyernes sang gab-i.
Sa interview sang Bombo Radyo kay Fire Officer 2 Ronel Andagan, fire truck operator/ fire investigator, wala sila anay nagpatigayon sang flushing bangod nagbubo ang mabaskog nga ulan sa napulo ka mga Barangay sa Bago City nga naka-eksperyensya sang ashfall.
Ang madamol nga ulan nagbulig sa paglimpyo sa dalanon kag sa mga pananom kag atop sang mga balay nga gintup-an sag abo.
Suno kay Andagan, nagahulat sila sang signal kun patigayonon na ang flushing activity apang nagpaandam ini sa mga pumuluyo nga magu-ulualigmat kag magsuksuk sang facemask.
