Plano sang National Food Authority (NFA) nga limitahan ang pagbakal sang unmilled rice ukon humay halin sa mga mangunguma sa 100 ka bag kada planting season.
Suno kay NFA Administrator Larry Lacon, may mga mangunguma nga nagapanag-iya sang masobra isa ka ektariya sang humayan kag may sarang magbaligya sang masobra isa ka gatos ka bag sini.
Ginpa-athag ni Lacon, nga kon limitahan sa 100 ka bag kada mangunguma, madugangan sang isa tubtob duha ka mangunguma ang mahimo maserbisyuhan sang NFA sa kada planting season.
Ini ang nangin desisyon sang ahensya para masolusyunan ang ang ginaalegar pag-abuso sang mga traders sa procurement process sang gobyerno.
Magapahamtang ang NFA sang lamesa sa kada warehouse para makita sang mga mangunguma ang transaksyon sa pagbaklanay sang humay.
