Mabakante na lamang ang pwesto nga biyaan ni Senator Juan Edgardo ‘Sonny’ Angara sa Senado sa pagpungko sini bilang tiglikom sang Department of Education.
Sa interview kay Senate President Francis ‘Chiz’ Escudero, may isa nalang ka tuig nga nabilin nga termino si Angara sa Senado, gani ini ang bakantihon na lamang tubtob sa masunod nga eleksyon.
Sa natalana nga pagbulos ni Angara kag Vice President Sara Duterte bilang Education Secretary epektibo Hulyo 19, ya na lamang sa 23 ang mabilin nga miyembro sang Senado, samtang ipasa naman sa iban nga Senador ang iya komitiba.
Pangabay ni Escudero nga makaperform sang maayo si Angara sa bag-o nga departamento.
Aminado ang Senate President nga madamo sang alatubangon ang outgoing Senator bangod sa ginapangatubang nga mga issue sa sektor sang edukasyon.
Kalakip na diri ang problema sa kakulangan sang pasilidad kag ang kalidad sang edukasyon sa primary kag basic education sang pungsod.
