Lauman ang mabug-at nga lakat sang trapiko sa pagpatuman sang road closure kadungan sang selebrasyon sang Bacolaodiat Festival 2025.
Sa interview sang Bombo Radyo Bacolod kay Bacolod Traffic Authority Office Deputy Head Jose Antonio “Jojo” Robello, ipatuman ang road closure umpisa bwas nga adlaw alas-4:00 sang hapon sa bahin sang Lacson St kag North Capitol Road.
Sa bahin sang 5th tubtob sa 13th street, sa Enero 28 maumpisa ang closure alas-10:00 sang gab-i tubtob alas-11:59 sang gab-i; kag sa Enero 29 tubtob sa Pebrero 3, alas- 12:00 sang kaagahon tubtob alas- 11:59 sang gab-i.
Sa Aguinaldo st kag North Capitol Rd, ang road closure ang nag-umpisa sang Enero 26 tubtob sa Pebrero 3, alas- 12:00 sang kaagahon tubtob alas- 11:59 sang gab-i.
Suno diri, may gintukod na nga mga tents kag stage para sa mga program.
May gindeploy nga mga enforcers para magderiher sang trapiko apang sa highlights sang selebrasyon dugangan pa gid ang mga gindeploy.
Pahayag ni Robello, nakapaghinon-anon na ini sa Bacolod City Police Office para sa security kag Bureau of Fire Protection para magbantay sa fireworks sa lagoon sa highlights.
Nagpanugyan ini sa mga magabyahe nga magpark sang insakto agud wala sang obstruction sa traffic.
Ang Bacolaodiat Festival ang maga-umpisa sa Enero 31 tubtob sa Pebrero 2.
