Nagapahanumdom ang Bacolod City Legal Office nga dako ang penalidad sa mga madakpan nga nagabaligya kag nagarefill sang butane cannister.
Sa interview sang Bombo Radyo Bacolod kay Bacolod City Legal Officer Atty Karol Joseph Chiu, nagapadayun ang ila mga operasyon sa pagdakop sang mga nagabaligya sang illegal nga butane cannister.
Ang operasyon ang nasuguran nakaligan pa nga tuig, kun sa diin kaupod sang City Legal ang mga kapulisan kasubong man ang Busines Permits and Licensing Office.
Sa karun, ginapamonitor nila kun diin ang mga illegal nga nagarefill sang butane.
Nahibaluan nga ginadumilian ang pagrefill sang butane cannister gamit ang LPG, nga masami pa ginahimo sa mga residential areas.
Ini man ang rasun sa sunog nga nagluntad sang damlag lang sa Brgy Banago.
Suno kay Chiu, magluwas sa may-ara sang safety hazzard, ang mga madakpan nga nagarefill kag nagabaligya sang butane cannister ang mangatubang man sa dako nga penalidad.
