Ginpahayag ni Bacolod City Councilor Vladimir Gonzales nga madamo sang ginlatag nga isyu sa tunga sang Bacolod Real Estate Development Corp. (BREDCO) kag ALMANA Property and Development Corp. (APDC) sa committtee hearing nga ginpatigayon kahapon sa Sangguniang Panlungsod.
Suno kay Gonzales, kahapon ang duha ka bahin may yara sang mga representante nga mga abugado nga sanday Atty. Silverio Sorbito, legal counsel sang APDC kag Atty. Joselito Bayatan, legal counsel sang BREDCO.
Sa ginpatigayon nga hearing, ginbisita ang Comprehensive Revised Reclamation Agreement (CRRA) nga nagapahanugot sa BREDCO nga mag-expand para sa port operation kag nagapanindugan man ang BREDCO nga may yara sila sang Miscellaneous Lease Agreement (MLA) sa Department of Environment and Natural Resources (DENR) nga ginabayaran.
Apang suno kay Gonzales, may nakita ini nga bayolasyon sa bahin sang gin-agreehan sa CRRA sang BREDCO.
Suno diri, illegal ang reclaimation bangod santo sa guidelines sang DENR, ang reclaimation wala sang authority nagikan sa Philippine Reclaimation Authority (PRA) kag kun illegal ini, ini ang iga-forfeit.
Dugang pa sa mga isyu, amo nga nagapangayo sang Resolution Of NO Objection ukon RONO para sa 25 hectares nga igareclaim ang BREDCO apang wala pa man sini nahimo nga ma turnover sa ciudad ang actual nga 250 hectares nga nareclaim na.
Ginpahayag man sini nga may yara sang monopoly sa bahin sang BREDCO.
Pahayag ni Gonzales, ang mangin interes diri sang ciudad amo ang advantage nga mangin epekto sini para sa mas maayo nga serbisyo sa tawo.
Samtang, suno naman kay Bacolod City Vice Mayor El Cid Familiaran, malawig pa ang antes masolbar ang isyu sa tunga sang Bacolod Real Estate Development Corp. (BREDCO) kag ALMANA Property and Development Corp. (APDC).
Sa intervew sang Bombo Radyo kay Familiaran, wala sang problema si APDC sa ginapropose nga reclaimation sang BREDCO apang nagka-isyu lang bangod nga ang I-reclaim nga area amo ang sa frontage sang ila property.
Pagatun-an kun may kinamatarong bala si APDC sa frontage property sini ukon may yara sang deretso si BREDCO ukon wala.
Para naman sa bahin sang ciudad, ang Sangguniang Panlungsod mahatag sang RONO nga requirements sa proposed nga reclaimation kag dapat ini maaprubar sang Philippine Reclaimation Authority (PRA), kag nagarequire ang PRA sang RONO gikan sa ciudad kag ini wala ginhatagan sang ciudad bangod sa pagpamalabag sang ALMANA.
