Pila ka mga dengue cases nga na-record sa Barangay Guinhalaran, Silay City, ang kalabanan naggikan sa mga subdivision nga bahin.
Ang barangay ang may yara na sang kabug-usan nga 22 ka kaso sang dengue kag tatlo diri ang gin-admit na sa ospital.
Sa interview kay Punong Barangay Ramil Barbasa, padayon ang ila pagpatigayon sang regular nga pagpanglimpyo sa nagkalain-lain nga bahin sang ila barangay sa bulig sang ila mga barangay health workers.
Suno diri, may ginhatag ang city government kag city health office nga kemikal agud i-spray sa mga katamnan apang indi ini pwede i-spray malapit sa mga kasapatan bangud sa hilo nga content sini.
Ginpahayag ni Barbasa nga epektibo kuntani ang fogging para sa pagtapna sang pagdamo sang lamok apang dapat tanan nga pumuluyo ang nagatugot sa nasambit nga tikang.
Suno diri, may pila ka mga residente nga nagapamatok bangud sa risgo sa ikaayong lawas ilabi na sa mga may hapo ukon asthma, kag ini ang ginarespeto man ni Barbasa.
Pahanugyan sang punong barangay sa mga pumuluyo sa Guinhalaran nga magkooperar kag magbinuligay agud matigayon nga matapna ang pagsaka sang dengue cases sa ciudad.
