Nagtuga sang kakugmat ang hinali nga pagbaha sa Country Homes Subdivision, Barangay Estefania, Bacolod City matapos ang pagbubo sang madamol nga pag-ulan kahapon sang hapon.
Suno kay Carmen, nakibot ini sang gulpi nga ginsulod sang tubig baha sa ila nga balay nga sang una wala gid ini ginabaha.
Suno diri bangud sa baha nagkalabasa ang bayo, mga libro nga collection sini bangud isa ini ka librarian, ang ila nga ref kag ang ipad sang iya anak ang naglangoy man sa tubig baha.
Suno pa diri, sang una wala gid ginabaha ang ila nga lugar bisan ano pa ka damol ang ulan apang nanotisyaran sini nga gintabunan ang ginagwaan sang tubig sa bahin sang Rockwell.
Ginpadangat naman nila ang ila reklamo sa tag-iya sang subidivisions apang wala man ini ginsolusyunan.
Sa karun nagakakugmat ang mga pumuluyo sa nasambit nga subdivision sa tion nga maginulan bangud sa naeksperyensyahan nga pagbaha kahapon sang hapon.
