Wala na natabangan ang mag-amay kag nadulaan gid sang kabuhi matapos nabungguan sang ila ginasakyan nga motorsiko ang isa ka wing van nga nakapark sa Bangga Ibos, Barangay Tortosa, Manapla, Negros Occidental sang Domingo sang kaagahon.
Sa impormasyon nga nakuha sang Bombo Radyo, nagikan sa Barangay San Pablo, Manapla ang mag-amay nga sanday Francisco Pangantihon, 51-anyos kag Francis Pangantihon, 23-anyos kag padulong kuntani sa Victorias City sang nabungguan sang motorsiklo nga ila ginasakyan ang isa ka aluminum wing van nga nakapark sa higad sang dalan, pasado alas 2:00 sang kaagahon.
Nahibaluan nga wala sang may ginbutang nga early warning devices sa nakaparada nga van.
Ginhingagaw pa dala sa balaybulungan ang mga biktima apang gindeklarar na nga dead on arrival.
