-- ADVERTISEMENT --
Pilason ang mag-amay matapos maglab-anay sa banwa sang Ilog.
Sa interview sang Bombo Radyo Bacolod kay Police Major Randy Babor, hepe sang Ilog Municipal Police Station, nagpauli ang amay nga nakainum sang makahulubog nga ilimnon kag nagmaoy samtang nagakatulog ang bata.
Suno kay Babor, bangud sa kagahod ginsaway ini sang iya bata.
Nagpangakig ang amay kag nagkuha sang binangon kag ginlabo ang biktima samtang bilang balos nagkuha man sang kutsilyo ang bata kag ginhandus ang amay.
Lunsay nakaagom sang magagmay nga pilas sa kamot ang mag-amay.
-- ADVERTISEMENT --
Sa karun priso sa Ilog Municipal Police Station ang amay matapos nga ginlabo sini una ang bata.
Indi naman magpasaka sang kaso ang pamilya batok sa amay.
