Padayon nga nagapaayo ang mag-asawa nga napaso sa nagluntad nga sunog sa Purok Pine Tree, Barangay Bata, Bacolod City kahapon sang kaagahon.
Sa interview sang Bombo Radyo Bacolod kay Fire Officer 2 Anthony Val Isansa, Fire Arson Investigator sang Bacolod City Fire Station, isa ka balay ang totally damaged kag ang nasunog nga area ang yara sa 54 square meters samtang ang balor sang kahalitan ang nagdangat naman sa P81,000.
Suno kay Isansa santo sa ila nga validation ang ginalantaw nga ginhalinan sang kalayo ang na-over heat nga ceiling fan sa kwarto sang bata sang mag-asawa nga nakaangkon sang paso sa lawas.
Ang mag-asawa nga sanday Angelito Loro, 53 anyos, nakaangkon sang paso sa nawala kag natuo nga kamot kag tiil samtang si Rebecca Loro ang nakaangkon sang paso sa nawala nga kamot.
Ginbalik sang duha ang bata sa pagdumdom nga nabilin ini sa sulod apisar nga dako na ang kalayo.
Ang duha ang padayon nga ginabulong sa ospital sa Bacolod.
Panugyan ni Isansa nga mag-aligmat kag kun may sunog indi na magbalik sa sulod sang nagakasunog nga balay agud malikawan ang disgrasya.
