Ipatumod sang provincial government sang Negros Occidental kun bag-o nga variant sang coronavirus nga nadetect sa United Kingdom ang nakatapik sa mag-asawa nagikan sa London nga nag-abot sa Negros Occidental sang January 16 nga nagpositibo sa COVID test.
Sa press conference ni Governor Eugenio Jose “Bong” Lacson, ginpahayag sini nga nagpadala na sila sang sample sang mag-asawa sa Philippine Genome Center agud matumod kun new variant sang virus ang nakalaton sa mag-awasa.
Suno sa gobernador, ginatun-an pa nila kun mahimo mapasakaan sang kaso ang mag-asawa matapos nga gindeklarar nila ang ila kaugalingon nga Locally Stranded Individuals (LSI) sa baylo nga Returning Overseas Filipinos.
Sa karun, nagapadayon sa strict home quarantine ang mag-asawa.
Nahibaluan nga nagtilaw pa ang mga ini nga magsakay sang Enero 2, 2021 sa eroplano papauli sa Negros Occidental apang ginbalibaran sang airline bangud nagikan ang mga ini sa London.
Sang Enero 16, nagsakay sila sa Air Asia flight apang gindeklarar nila ang kaugalingon nga LSI.
Sa ginpatigayon ang COVID test, nagpositibo sa virus.
