Relationship goal naman nga makabig ang upod nga pagdonar sang dugo sang mag-asawa sa Bago City.
Magkaupod nga nagpadulong sa City Mall Mandalagan agud magpartisipar sa “Dugong Bombo: A Little Pain, A Life to Gain” sang Bombo Radyo Philippines in partnership sa Philippine Red Cross ang mag-asawa nga sanday Joycee kag Ivan Servesa.
Si Joycee ang pito ka beses na nga nakapakuha sang dugo sa Dugong Bombo samtang siyam ka beses naman si Ivan.
Suno sa mga ini ginapreparar gid nila ang ila mga lawas agud healthy nga makapasakop sa Dugong Bombo sa kada bulan sang Nobyembre.
Pahayag sang duha nga sila ang liwat magapakuha sang dugo sa masunod nga tuig.
Panawagan sini sa iban nga mag-asawa nga kun healthy, sila ang wala sang kapierdihan sa pagdonar sang dugo.
Dugang pa nila nga makabig modern day hero ang mga blood donors.
