Ginkumpirmar sang San Carlos City Police Station nga ang mag-asawa nga nadakpan sa drug buybust operation sa Barangay Sambag I, Cebu City sang Hunyo 14 kag nakuhaan sang 10 ka kilo nga suspected shabu ang utod kag bayaw sang lalaki nga nadakpan sa buybust sa Barangay Rizal, San Carlos City kun sa diin duha ka kilo nga shabu ang narekober.
Sa interview sang Bombo Radyo kay Police Lt. Col. Jesus Mesahon, hepe sang San Carlos City Police Station, utod ni Rex Baron si Cornelio, 39-anyos; samtang bayaw naman sini ang 49-anyos nga si Jacquelin Baron.
Si Rex Baron ang nakuhaan sang duha ka kilo nga shabu nga nagabalor sang P13.6 million sang ini ang ginbuybust sa safehouse sang iya amo sa Barangay Rizal sang Hunyo 13 sang kaagahon.
Sanday Cornelio kag Jacquelin naman ang nakuhaan sang 10 ka pakete sang suspected shabu nga nagabug-at sang 10 ka kilo kag nagabalor sang P68 million.
Sanday Cornelio kag Jacquelin ang tumandok sang San Carlos apang nagtabok ang mga ini sa Cebu bangud sila ang may yara sang himata sa nasambit nga ciudad.
Sila ang nagbaligya sang shabu sa PDEA operatives sa J. Alcantara St., Barangay Sambag I, Cebu City.
Suno kay Mesahon, nakadawat sila sang impormasyon nga engaged gid man sa illegal drug trade ang mag-utod.
Sa karon, may coordination naman ang San Carlos City Police Station sa PDEA kag RDEU 7 apang indi pa madivulge ang dugang nga impormasyon nga ila natipon.
