Kapin napulo na ka tuig nga nagapartisipar sa Dugong Bombo Blood Letting Activity sang Bombo Radyo Philippines, in partnership sa Bombo Radyo Philippines Foundation, Inc. kag Philippine Red Cross, ang mag-asawa nga residente sang ciudad sang Bago.
Sa interview sang Bombo Radyo kay Ivan Serveza, ika- 12 ka tuig na sini nga pagpartisipar sa Dugong Bombo bangod naandan na sini nga makigbahin sa blood letting activity sang Bombo Radyo humalin pa sadto.
Suno diri, siya nagapasalamat nga makadonar sang dugo bangod manami ini para sa ikaayong lawas.
Apang ilabi sini nga ginakalipay amo nga madamo siya sang mabuligan nga isigkatawo sa karun nga madamo sang emerhensya.
Samtang, pito ka tuig na nga nagapakuha sang dugo ang asawa ni Ivan Serveza nga si Joyce sa tuigan nga pagpartisipar nila nga mag-aswa sa Dugong Bombo Blood Letting Activity.
Suno kay Joyce, ang iya bana ang naghagad sa iya para man sa ila ikaayong lawas.
Suno diri, sa pagpakuha nila sang dugo, mas malayo sila sa sakit kag mas nagnami ang ila pamatyag.
