Wala makaluwas ang mag-asawa matapos gin-alegar gintiro kag ginlabo sa Sitio Binalbagan, Barangay Masulog, La Castellana, Negros Occidental sang Hwebes.
Ginkilala ang mga biktima nga kanday Diomedes Maribong, 50 anyos, ang asawa sini nga si Vivencia Maribong, 56 anyos kag ang ila nga anak nga babayi, 18 anyos.
Suno kay Police Major Rhonj Darryl Nigos, hepe sang La Castellana Municipal Police Station, ginapahayag nga may apat ka persona nga naglambat kag ginlabo ang mga biktima kun sa diin nakaagom sang patal nga pilas ang mag-asawa samtang ang 18 anyos nga bata sang mga ini ang nakaluwas.
Sa karun nagapadayon ang imbestigasyon sang La Castellana Municipal Police agud nga matumod ang identity sang gin-alegar apat ka mga persona nga nagpatay sa mag-asawa kag ang motibo sang krimen.
