Patay ang mag-iloy matapos aksidente nga na-arado sang isa ka truck ang ila balay sa Purok Super L., Barangay Pandanon, Don Salvador Benedicto sang Lunes, Mayo 25 sang udto.
Ginkilala ang iloy nga napatay nga si Judy Ann Verino, 23-anyos, kag ang isa ka tuig nga anak sini nga lalaki
Sa interview sang Bombo Radyo Bacolod kay Police Major Ellendie Rebusquillo, hepe sang Don Salvador Benedicto Municipal Police Station, may nabatun sila nga impormasyon nga may yara sang nagluntad nga traffic accident kun sa diin imbulbado ang isa sa ka weapon truck nga ginamaneho ni Francisco Banguanga Jr, 58 anyos nga residente sang Barangay Canlandog, Murcia.
Suno kay Rebusquillo nakasakay man sa truck sanday Julie Flores, 37 anyos kag Dexter Perez, 27 anyos.
Ang truck nga ginamaneho ni Banguanga ang magadul-ong kuntani sang construction materials sa nasambit nga lugar kun sa diin nadulaan sang control sa truck si Banguanga.
Naglumpat ini sa truck agud nga masalbar ang kaugalingon apang ang truck ang nagderecho sa balay kun sa diin nagabreast feed sang iya anak si Judy ann Verino, 23 anyos kag ang bata sini nga lalaki naga edad sang 1 year old and 10 months.
Bangud sa impact napatay si Judy Ann kag ang iya bata samtang nakaangkon sang slight injury sanday Oliver Verino, Jerry verino, Kimberly Beligori; Julie Flores, Dexter Perez, Larry Passionila, Melanie Passionela, kag duha ka menor de edad.
May pag-estoryahanay na sa magtimbang nga bahin apang wala pa sang commitment kun may yara sang matabo nga settlement.
