Wala pa napasakaan sang kaso ang mag-nobyohanay nga nagsakit sa senior citizen sa ciudad sang La Carlota, Negros Occidental.
Sa interview sang Bombo Radyo Bacolod kay La Carlota City Mayor Rex Jalandoon, ang tigulang nga babayi nagtrabaho bilang street sweeper samtang nagabulig naman sa iya ang iya bana.
Nakuhaan sang video ang pagsinggit sang mag-nobyohanay sa mga tigulang kun sa diin gingunitan pa sang babayi ang tigulang nga lalaki.
Suno sa alkalde, hinablos sa pakaisa sang tigulang nga lalaki ang babayi nga naggunit sang iya buhok.
Nakighinon-anon na ang alkalde sa duha ka tigulang kag desidido ang bana nga magpasaka sang kaso.
Samtang, plano man sang alkalde nga sturyahon ang mag-nobyohanay sa masunod nga semana.
Sa karun napablotter naman sang duha ka senior citizen sa La Carlota Police Station ang natabo sa ila.
Ginpa-check up man sa doctor ang duha kun magakinahanglan sila sang medications.
Mensahe ni Jalandoon, kun may yara gid man sang indi pag-intindihanay, mas maayo nga magrelax kag maglikaw sa kinagamo.
Dapat man suno sa iya nga respetohon ang mga katigulangan bisan pa sa tuman ka kaakig, likawan gid nga sila ang sakiton.
