Napasakaan na sang kaso nga murder ang mag-utod nga nagluthang-patay sa ila nga tiya sa Sitio Beranio, Barangay Lantad, Silay City.
Madumduman nga napatay si Jossie Mondejar, 54 anyos, nagapautang sang kwarta sang ini ang hinali nga ginpadulungan kag ginluthang sang iya 18 anyos hinablos nga ginkilala kay Alfredo Bitalac samtang nagserbe naman nga look-out ang 29 anyos nga magulang nga si Aljun Bitalac.
Si Aljun ang aktibo nga intelligence officer sang Philippine Drug Enforcement Agency (PDEA) nga assigned sa Butuan City, Mindanao.
Ini naman ang una nga record nga si Aljun ang nakakomiter sang kaangay nga krimen.
Sa interview sang Bombo Radyo Bacolod kay Police Major Sarah Villanueva, nafile nila ang kaso nga murder alas-6:00 kagab-i.
Isa sa ginalantaw nga motibo sa krimen amo ang away sa duta.
