Arestado ang mag-utod sa buybust operation sang City Drug Enforcement Unit sang Bacolod City Police Office (BCPO) kahapon sang hapon.
Ginkilala ang mga arestado nga sanday Jessa kag Jestony Pagalinawan sang Brgy. 14.
Alas-4:15 sang hapon sang naaresto ang mga ini sa Purok Boulevard, Brgy. 13.
Nakuha sa paghinkop sang mag-utod ang 10 grams nga suspected shabu kag ginabanta nga nagabalor sang P120,000.
Magluwas diri, narekober man ang P500 nga buybust money kag cellphone.
Priso karun ang mag-utod nga Paglinawan sa Police Station 1.
Arestado ang isa ka high value target sang Himamaylan City Police Station sa buybust operation kahapon sang hapon.
Alas-2:20 sang hapon sang naaresto si Jelwys Paurillo, 34-anyos sa Sitio Old Mohon, Brgy. Cabanbanan.
Nakuha sa paghinakop sini ang 2 ka sachets sang suspected shabu.
Si Paurillo ang ginakabig ika-siyam sa priority drugs watchlist sang Himamaylan City Police Station.
