Ginahulat pa sang Bacolod City Police ang memorandum nagikan sa Police Regional Office nga may kaangtanan sa pagrelieve kag reassignment ni Police Col. Noel Aliño.
Sa interview sang Bombo Radyo Bacolod kay Police Lt. Col. Ronnie Brillo, deputy chief for operations sa Bacolod City Police Office, kun wala pa sang endorsement nagikan sa PRO-6 kag proper turn-over of command indi pa ini makabig nga narelieved na ang BCPO director.
Gin-athag man ni Brillo, nga bisan may order pa nagikan sa Camp Crame kun wala sang natabo nga turn-over indi ini makabig na relieve na ang police personnel.
Suno kay Brillo, ginalantaw nga matapos pa ang State of the Nation Address (SONA) ni President Ferdinand ‘Bong bong’ Marcos Jr. sa Hulyo 22, mahibaluan ang magabulos kay Police Col. Noel Aliño bilang city director sang BCPO.
Kaina sang aga naggwa ang relieve order kag reassignment ni Col Aliño sa Criminal Investigation and Detection Group (CIDG) sa Philippine National Police headquarters sa Camp Crame samtang si Police Col Joel Manuel Ana ang ginrelieve man nagikan sa Criminal Investigation and Detection Group sa Philippine National Police headquarters sa Camp Crame kag igareassign naman sa Police Regional Office 6.
