Ginpahayag sang Pilipino sa Florida, USA nga nagalapitay ang polls sa tunga nanday Former President Donald Trump kag Vice President Kamala Harris.
Sa interview sang Bombo Radyo kay John Michael Regalado, Bombo International News Correspondent derekat sa Florida, USA indi pa mapaktan kun sin-o ang magadaog bilang presidente sang Estados Unidos.
Sa bahin sang Florida, mas madamo na sa karun sang nagsaylo sa republicans agud magsuporta kay Harris.
Suno diri, iban sa mga tawo ang ginakapoy na kag luyag nga mahibaluan na ang resulta.
Nangin interesting man ang election sini nga tuig bangod nga gin-aprubahan na sang Supreme Court ang election betting.
Kun magboto naman, secure ang mga boto sang tawo kag madasig ang proseso bangod nga disiplinado ang mga tawo.
Pahayag ni Regalado, madamo na gid sang nagahulat kag nagalaum nga wala sang delay sa result kun sin-o ang mangin bag-o nga presidente.
