Ginpahayag sang gobernador sang Negros Occidental nga indi pa klaro kun sin-o ang masalo sa paSgasto sa ipakaon sa mga evacuees nga isaylo sa tent city sa tion nga isaka sa alert level 4 ang status sang bulkan Kanlaon.
Suno kay governor Eugenio Jose ‘Bong’ Lacson, kun magsaka sa alert level 4 ang status sang bulkan, mas madamo na sang i-evacuate nga mga residente kag isaylo ang iban sa tent city nga ginatukod.
Sa banwa sang La Castellana, nahamtang sa ciudad sang Himamaylan ang tent city nga saylohan sang mga evacuees apang wala pa nakadihon sang memorandum of understanding ang Local Government Unit sang banwa sang La Castellana kag ciudad sang Himamaylan para diri.
Wala naman sang problema kun sa Himamaylan isaylo ang mag evacuees apang wala pa na-athagan kun sin-o ang magasto sang ipakaon sa ila.
Mahimo man nga ang LGU ukon ang probinsya ang magasto apang wala nahibaluan kun tubtob san-o.
Pahayag ni Lacson, madamo pa sang dapat sturyahan kag tun-an para sa preparasyon sa liwat nga paglupok sang bulkan Kanlaon.
