Gilayon nga naaresto ang duha ka suspect sa pagpatay sa isa ka Turkish national sa banwa sang Ilog, Negros Occidental pasado alas-2:00 sang kaagahon sang Lunes, Marso 22.
Ang lawas sang 57 anyos nga biktima nga residente sang Brgy Cabug, Bacolod City sa katubuhan sa Sitio Mampuso, Brgy Canlamay, Ilog.
Sa interview sang Bombo Radyo kay Police Major Randy Babor, hepe sang Ilog Municipal Police Station, ang biktima ang nahibaluan nga nag-inom sang makahulubog nga ilimnon upod sa isa ka babayi antes ang krimen.
Sang ini ang nagalabay sa katubuhan, siya ang hinali nga ginlampusan, kag nag-agom sang patal nga samad sa ulo.
Sa padayun nga imbestigasyon, natumod ang mga suspects nga maglive-in nga 34 anyos nga lalaki kag 35 anyos nga babayi, residente sang Brgy Canlamay, Ilog.
Gin-ako naman sang lalaki nga suspect ang pagpatay, kag ginpahayag sini nga pagpangawat ang ila nga motibo.
Narecover sang mga kapulisan ang prosthetic leg kag mga panapton sang biktima; yabi sang salakyan, gloves kag sweatshirt nga may print nga “ZAFRA,” kag ang itom nga t-shirt nga gingamit sa pagtabon sa nawong.
Ang pag-ako sang suspect kag recovery sang mga ebidensya ang nagapabaskog pa sa case build-up sa pagpasaka sang kaso.
Suno kay Babor, ang mag live-in partner ang magapangatubang sa kaso nga Robbery with Homicide.
