Ginapahayag nga anay matag-as nga mga lider sang rebelde nga grupo ang napatay sa engkwentro sa tunga sang 79th Infantry Battalion sang Philippine Army kag gina-alegar nga New People’s Army sa Sito Nabalas, Barangay Canlusong, banwa sang EB Magalona, Negros Occidental sang Martes, Oktubre 17.
Ginkilala ang mga napatay nga sanday Christian Job Joaquin Vargas, kilala bilang Nacio, residente sang Barangay Canlusong Squad Leader sang Squad 3 sang dismantled nga Northern Negros Front (NNF), kag ang kalive-in sini nga sis Mylene Malasabas Salgado, kilala bilang Iba/Shien/Ruth, miyembro sang Squad 3 kag sang Regional Striking Force (RSF).
Si Salgado ang residente sang Barangay Buenavista, Himamaylan City.
Si Christian ang bata ni Arlo Vargas, kag kilala bilang Allen, isa ka top leaders sang Communist Terrorist Group (CTG) sa Western Visayas, nga may pending warrant of arrest para robbery in band, nga may patong sa ulo nga P550,000.
Si Vargas ang nagaserbe nga anay platoon leader sang Sentro De Grabidad Platoon, Central Negros 2, Komiteng Rehiyon-Negros, Cebu Bohol, Siquijor (KR-NCBS), kag Central Negros 3, kag miyembro sang Regional Operations Command (ROC).
Ang live-in sini nga si Mylene, ang na isa ka political instructor sang SDG Platoon, CN 2.
Ang maglive-in ang ginpadala sang Regional Operations Command (ROC) nagikan sa Central Negros agud nga magbulig sa recovery efforts sang dismantled nga Northern Negros Front (NNF).
Ang duha kaupod sanday Ericson Acosta, isa ka NPA Cadre kag bana ni Kerima Lorena Tariman, anay Secretary sang NNF, kag may existing warrants of arrest para sa kaso nga attempted murder nga ginpagwa ni Acting Presiding Judge Walter Zorilla sang Regional Trial Court Branch 56 sa Himamaylan City.
Nagapangatubang man si Vargas sang multiple outstanding warrants para sa murder, kag wala sang ginrekomendar nga piyansa nga gin-issue sang korte sa Kabankalan City.
Siya ang kilala nga imbulbado sa pila ka mga violent incidents, kalakip na ang targeted killings,pag-ambus sa Army kag police officers kag civilians, kag extortion activities nga ang target mga dalagko nga negosyo.
