Maglive-in, patay matapos gintiro sang magulang sang lalaki sa San Carlos City

Bangud lamang sa paho, patay ang maglive-in matapos ginluthang sang magulang sang lalaki sa Sitio Buli, Brgy. Rizal, ciudad sang San Carlos kagab-i.

Sa interview sang Bombo Radyo Bacolod kay Police Major Mark Angelo Junco, hepe sang San Carlos City Police Station, nagbaisay sanday Joselito Mahinay Hisman, 35 anyos kag Jose Benjie Mahinay Hisman bangud sa kwarta nagikan sa paho.

Gintiro ni Jose Benjie si Joselito sa ulo kag iban nga bahin sang lawas gamit ang .45 caliber pistol nga nagresulta sa iya kamatayon.

Gintiro man sang suspetsado ang live-in partner sang iya manghod nga si Maricel Lumayno Alastra, 35 anyos.

Gilayon naman nga nagpalagyo si Jose Benjie matapos ang krimen kag nagapabilin nga at large.