Maglolo nakuhaan sang masobra P1.3 million nga balor sang suspected shabu sa Barangay 3, Bacolod City

Nakuhaan sang masobra sa isa ka milyon nga balor sang illegal nga druga ang 61 anyos nga senior citizen kag 21 anyos nga apo sini sa Purok Lubi, Barangay 3, Bacolod City, kaina sang aga, alas- 12:00 sang kaagahon.

Ginkilala ang mga suspetsado nga sanday Belmer Francia, 21 ayos, single, wala sang trabaho kag ang lolo sini nga si Wilfrando Francia, 61 anyos, single kag wala man sang trabaho, lunsay mga residente sang nasambit nga lugar.

Nakumpiskar sa duha ang kapin sa 205 ka gramo sang suspected shabu nga may standard drug price nga 1,394,000.

Ang duha ang magapangatubang sang kaso nga pagbayolar sa RA9165 ukon Comprehensive Dangerous Drugs Act of 2002.