Ginpahayag sang Philippine Institute of Volcanology and Seismology (PHIVOLCS) nga luyag naman nila nga makapauli na ang Kanlaon evacuees apang indi pa ini matabo sa karun bangod sa magmatic unrest sa bulkan.
Sa interview kay Engineer Mari Andylene Quintia, Resident Volcanologist sa Kanlaon Volcano Observatory, La Carlota City, Negros Occidental, santo sa 24 hours monitoring may narekord nga 26 ka volcanic earthquake kun sa diin nagdangat sa 2,114 tonnes per day ang ginbuga nga sulfur dioxide kag naglab-ot sa 75 meters ang kataason sang plume samtang padayon ang degassing kag kun kaisa maeksperyensyahan ang ash emission.
Suno diri, wala nahibaluan kun san-o malupok ang bulkan apang balantayan ang gulpyada nga pagbag-o sa aktibidad sini.
Lauman naman suno sa PHIVOLCS nga liwat matabo ang minor explosive eruption.
Gin-athag man ni Quintia nga ang activity sa bulkan ang bangod sa magmatic unrest nga kun may major eruption nga matabo, posible nga may yara sang lava flow.
Pahayag sini, bisan sila luyag na gid nila nga makapauli na ang mga evacuees apang indi pa ini mahimo bangod padayon ang gulpyada nga may nagakatabo nga minor eruption kag ash emission.
