Nabatyagan man sa probinsya sang Negros Occidental ang nagluntad nga linog sa Iloilo kaina sang aga.
Sa interview sang Bombo Radyo Bacolod kay Daryl Aro, resident volcanologist sang Philippine Institute of Volcanology and Seismology (PHIVOLCS) Kanlaon Volcano Observatory, may narekord nga magnitude 4.2 nga linog sa Guimbal, Iloilo kaina alas-6:48 sang aga.
Suno diri, nabatyagan ang intensity IV sa Iloilo City kag Nueva Valencia, Guimaras; intensity III sa Guimbal, Miagao, kag Oton, Iloilo; kag Nueva Valencia, Guimaras; intensity II sa San Lorenzo, Guimaras; Iloilo City; kag Bago City, Negros Occidental kag intensity I sa Culasi, Antique; kag La Carlota City, Negros Occidental.
Pahayag sang resident volcanologist nga ang mga linog nga nagaluntad tuga sang mga active fault nga dululungan nga nagahulag.
Abiso ni Aro, magbantay sa update sang PHIVOLCS kag maghalong.
