Magnitude 4.5 nga linog sa Iloilo, nabatyagan tubtob sa pila ka bahin sang Negros Occidental kag Bacolod City
-- ADVERTISEMENT --

Nabatayagan sa pila ka bahin sang Negros Occidental kag Bacolod City ang magnitude 4.5 nga linog sa Anilao, Iloilo alas-5:11 kaina sang aga.

Sa interview sang Bombo Radyo Bacolod kay Ruth Asentista, Project Technical Aide sang Philippine Institute of Volcanology and Seismology – Negros Island Region (PHIVOLCS-NIR), ang lijnog ang may kadalumon nga 15 kilometros, kag ini ang tectonic in origin.

Nabatyagan ang Intensity 4 sa ciudad sang Bago diri sa Negros Occidental; Jordan, Guimaras; kag Passi City, Iloilo.

Intensity 3 sa La Carlota City, Negros Occidental; Nueva Valencia, Guimaras; kag Tapaz, Capiz.

Intensity 2 naman sa Bacolod City; San Lorenzo, Guimaras; kag Jamindan, Capiz.

-- ADVERTISEMENT --

Panugyan ni Asentista, wala sang expected aftershock, apang mangin mabinantayon gihapon bangod may kakusugon ang 4.5 magnitude nga linog.

Pahanumdom pa niya nga sa tion sang linog, tinguhaan nga makapalayo sa mga matag-as nga buildings.