Arestado ang magtiya sa ginpatigayon nga drug buybust operation sang Silay City Police Station sa J. Pitong Ledesma St., Barangay 5, Silay City, Negros Occidental.
Ginkilala ang subject person kay Bernard Arturo, 26 anyos kag gintumod nga high value individual matapos nakagwa sa billangguan sadtong tuig 2021 paagi sa plea bargaining agreement.
Kalakip man sa nadakpan ang manghod sini nga si Alfred Arturo, 22 anyos kag tiya sini nga si Jenny Pada-on, 36 anyos kag lunsay residente sang Purok Kahilwayan, Barangay 2, syudad sang Bacolod.
Nakuha sa paghinakop sang mga ini ang wala ka transparent plastic sachet sang ginasuspetsuhan shabu kalakip na ang buybust item, ginabanta nga nagabug-at sang 13 grams kag may standard drug price nga P88,400.
Ang mga nagkaladakpan ang yara na sa karun sa kustodiya sang Silay City Police Station kag magapangatubang sang kaso nga paglapas sa RA 9165 ukon Comprehensive Dangerous Drugs Act of 2002.
