Ginpahayag ni political analyst Atty Jomax Ortiz nga nahimo ni Alice Guo nga magbiya sa Pilipinas bangod sa halog nga security sang pungsod kag mga tawo nga mahapos suholan.
Madumduman nga kahapon ginkumpirmar ni Senator Risa Hontiveros nga nakakuha sila sang impormasyon nga nakagwa na sa Pilipinas si former Bamban Tarlac Mayor Alice Guo ukon Guo Hua Ping.
Suno diri, nagsulod sa Kuala Lumpur, Malaysia si Guo sang Hulyo 18.
Nagpadulong ini sa Singapore pagkatapos agud makigkita sa iya amay, iloy nga Chinese kag utod nga si Wesley, nga nagbyahe padulong didto nagikan sa China.
Sa interview sang Bombo Radyo kay Ortiz, nahimo ni Guo nga mangin alkalde sang Bamban, Tarlac, kag wala na sini ginkakibot kun nahimo man ni Guo nga makagwa sa Pilipinas.
Suno diri, ang problema diri amo sa Bureau of Immigration kag sa airlines sa Pilipinas kun paano nga wala sang record ang byahe ni Guo.
Nagapati man ang abogado nga may yara sang mga local officials nga nagbulig diri.
Ini tanan suno kay Ortiz nagapakita lamang nga ang record diri sa Pilipinas ang mahimo nga mahampangan sang intsik kag ang mga tawo sa Pilipnas ang mahapos intu-on kag suholan.
Dugang pa sini, dako man nga factor nga halog ang security sang Pilipinas sa paggwa ni Guo.
Pahayag ni Ortiz, ang sin-o man madakpan nga may papel sa pagpagwa kay Guo sa Pilipinas ang magapangatubang sang serious offense kag kun ang nagbulig ang nagatrabaho sa gobyerno, ini ang mahimo nga makakas sa serbisyo.
